Манай төсөлд оролцож буй бүх хөрөнгө оруулагчид дараах ёс зүй, нууцлал болон хамтын ажиллагааны зарчмуудыг дагаж мөрдөх үүрэгтэй. Хэрэв хөрөнгө оруулагч эдгээр нөхцөл, журмыг зөрчсөн нь тогтоогдвол бусад хөрөнгө оруулагчдын санал хураалтаар тухайн этгээдийг хөрөнгө оруулагчдын жагсаалтаас чөлөөлөх (remove) шийдвэр гаргаж болно.
Хэрэв ийм шийдвэр гарвал тухайн хөрөнгө оруулагчийн оруулсан хөрөнгийг өөр шинэ хөрөнгө оруулагч бүрэн хэмжээгээр худалдан авч, түүний оронд оролцох боломжтой болно.
Хөрөнгө оруулагчийг чөлөөлөх үндэслэлүүд
Дараах нөхцөлүүдэд хөрөнгө оруулагчийг санал хураалтаар чөлөөлж болно.
- Нийгэмд сөрөг нөлөөтэй үйлдэл гаргах
Нийгмийн хэв журамд харшлах, бусдад төвөг учруулах, ёс зүйгүй үйлдэл гаргах. - Компанийн нууцыг задруулах
Компанийн дотоод мэдээлэл, стратеги, санхүүгийн мэдээлэл, хөрөнгө оруулагчдын давуу эрх зэрэг мэдээллийг хөрөнгө оруулагчдын хүрээнээс гадуур хүмүүст тараах. - Компанийн нэр хүндэд хохирол учруулах
Худал мэдээлэл тараах, компанийн үйл ажиллагаанд санаатайгаар саад учруулах. - Ашиг сонирхлын зөрчил үүсгэх
Компанийн нууц мэдээллийг ашиглан өрсөлдөгч байгууллагад ажиллах, дэмжих эсвэл давуу байдал бий болгох. - Бусад хөрөнгө оруулагчид болон багийн гишүүдэд дарамт, заналхийлэл үзүүлэх
- Компанийн шийдвэр гаргах үйл явцыг санаатайгаар саатуулах
- Хууль бус үйл ажиллагаанд оролцох
Санхүүгийн залилан, хууль зөрчсөн үйлдэл зэрэг нь компанийн нэр хүндэд сөргөөр нөлөөлөх тохиолдол.
Эдгээр журам нь компанийн ил тод байдал, итгэлцэл, хамтын ажиллагааг хамгаалах зорилготой бөгөөд бүх хөрөнгө оруулагчид харилцан хүндлэл, ёс зүйтэйгээр хамтран ажиллах үндсэн зарчимд тулгуурлана.
